الثلاثاء، 22 مايو، 2012


برسمك رسمه جميله
بوصفك باسم الجمال
بعشقك فى كل ليله
عشق اجمل م الخيال
خبى ايدك جوا ايدى
متخافيش الحزن هان
سيبى عينى تدوب فى عينك
كنتى فينك من زمان
يا حبيبة عمرى يا ضى القمر
خدتنى عينيكى من هنا لحد القمر
مبقتش شايف غير عينيكى فى السهر
مانتى ملاك واللى زيك مش بشر
اتبسمى ليا اضحكى
بنسى وياكى العذاب
خليكى شمس بتشرقى
متفكريش يوم فى الغياب
وانا طول حياتى اوعدك
تبقى عندى اغلى الناس
ولا اى حاجه تبعدك
انا بعشقك بكل الحواس
يا حبيبة عمرى يا ضى القمر
حبنا اجمل هديه م القدر
مبقتش عايز غيرك انتى يا قمر
مانتى ملاك واللى زيك مش بشر

لوهقول
بالكلام ياحبيبى عنك و أوصفك
مهما أقول
ولا أى حاجة فى يوم هتقدر تنصفك
وأخاف أقول
صراحتى قدّامك حبيبى تكسفك
إنت أغلى
من كلام ممكن فى يوم يتقال عليك
ياللى أحلى
لحظة لما بتيجى عينى قصاد عينيك
مش هتغلى
عليك حياتى وعمرى كله هعيشه ليك
ياأغلى من حياتى
هى حاجة
ونفسى أقولهالك حبيبى من زمان
كل حاجة
معاك حاببها وقلبى حاسس بالأمان
بنّا حاجة
م البداية وللنهاية وكل يوم هتزيد كمان
إنت عارف
إللى عشته معاك معشتوش ويا غيرك
بابقى شايف
صورتك إنت حتى لو قدامى غيرك
عالشفايف
إسمك إنت وعمرى مانطق إسم غيرك
ياأغلى من حياتى